娱快讯 120磅汤洛雯被张振朗叫减肥赵丽颖同冯绍峰食饭凸肚孕味浓减肥方法 56健康网

　　41岁的陈展鹏跟28岁的单文柔拍拖一年半，二人决定拉埋天窗，展鹏亲自宣布这好消息，「今日，好高兴同大家宣布，我要结婚啦！」婚照同时曝光，新娘子单文柔穿上露背婚纱凸显丰满上围，俊男美女超级甜蜜。

　　「无线男神」余德丞（Dickson）早前踢波晕倒，好彩经过一番抢救同治疗，佢近日终于喺社交网报平安，仲已经出院返咗屋企好好休息添！现处于休养阶段嘅Dickson，喺网上十分活跃，今日就喺社交网透露去咗茶餐厅食公仔面，仲加多个炒蛋同多士，相当丰富。不过唔少网友都叫佢食清淡啲，唔好咁快食肥腻嘢，要忍吓口啦！

　　有传内地「千万点击女王」赵丽颖已怀孕超过三个月，目前半停工状态养胎，绯闻男友冯绍峰则陪伴左右，虽然赵丽颖团队的工作人员上月否认其事，但有内地网友表示昨日在上海某餐馆野生捕获赵丽颖和冯绍峰，二人与友人吃饭，谈笑风生。虽然冯绍峰并没有正面照片，但就有声称是赵丽颖的正面照，相中戴着口罩的她小腹凸起，疑似怀孕，而且看来已有喜超过三个月。

　　不过，有网友对相片抱怀疑态度，因为赵丽颖前日出席公开活动时，不但穿上高跟鞋，小腹亦没明显隆起，和网友野生捕获时拍的照片有点差距。但也有网友指赵丽颖活动当天穿上较蓬松的裙子，所以有修饰效果。此外，亦有内地传媒人早前在网上爆料指赵丽颖怀孕真有其事，只是未足三个月不能公开，众说纷纭。

　　视后胡定欣昨日（9日）37岁生日，佢圈中人缘咁好，当然有唔少人同佢庆生啦，当中包括「胡说八道会」一班姊妹，仲有袁伟豪带埋女友张宝儿到贺！而好友兼「Crazy Runner」队员谢东闵，今日喺社交网上载咗一张同寿星女嘅合照，除咗见到个靓靓蛋糕外，仲见到胡定欣着住件露肩衫晒香肩，而谢东闵亦好自然咁搭住寿星女个膊头，呢个机会真系唔系人人有！

　　谢东闵仲好情深咁留言：「Happy 生日快乐，其实我真的很高兴能够认识你。」字里行间仲有三个心形图案，一切尽在不言中！胡定欣亦有留言神回：「在心中」，仲冧爆回礼派心，网民都话佢地「So matching（好登对）」呀！不过早前就有传胡定欣暗挞张振朗，发展相差近6年嘅姊弟恋，而谢东闵又系张振朗好兄弟……关系真系好复杂呀！

　　曾话担心生女似祖蓝李亚男公布线年多，两个月前开心宣布成功怀孕，上月她挺著4个月孕肚出席活动时，已漏口风话担心生女似祖蓝。今日，她在脸书晒5个月孕肚，留言：「今日小公主陪我开工，佢好乖」，公布佗B女。

　　亚男回应传媒谓：「我好开心，知道咗系囡囡，因为我不嬲都好想有个女，都希望第二个系仔。我仲未买齐啲嘢，不过BB房就仲装修紧，最紧要佢出世时可以好健康，咁我就会好放心。其实男女我都钟意，但我不嬲都想有个囡囡，因为可以帮她扮靓，同埋女仔始终黐妈咪多啲。」

　　艺人钟镇涛（阿B）为ViuTV节目《大星讲》任嘉宾，透露下月将推出新专辑，现时已做好混音，有待送到美国做后期制作，更指碟内有九首旧歌、一首新歌，当中有翻唱好朋友张国荣、梅艳芳、徐小凤、许冠杰、林忆莲等歌手的经典歌。问到为何会挑选该些歌手？阿B说：「因为每首歌都同自己有个故事，但今次就唔好拣谭咏麟嘅歌，因为同佢太多故事，好难去拣一首歌，睇吓之后会唔会出part 2，可能成只碟都系佢嘅歌。」

　　谈到最印象深刻的歌曲，阿B表示是梁朝伟的《你是如此难以忘记》，皆因当年处于低谷时，伟仔陪他走过最艰难日子，患难见真情，更说：「最好就系佢成日埋单，完全唔介意，非常阔佬。」至阿B表示从前经常与张国荣见面及食饭，印象最深是对方为他向黄百鸣推荐于电影演出一个角色，他说：「佢帮咗我都冇出声，呢件事系我最近先知，因为佢冇同我讲，我真系好感动同感恩。」

　　张振朗跟汤洛雯在新剧《机场特警》中有感情线，二人于剧集拜神仪式上受访，振朗直接要求靓汤减肥，笑指对方不能比机场特警更健硕。记者笑指靓汤变肥汤，汤洛雯笑说：「减紧喇！已经减咗少少，依家120几磅，目标系减10磅。我有信心减到参选时咁Fit，不过参选嘅时候都唔系好好。」

　　然而，振朗身形也未达标，他亦笑说：「机场特警有两种，一种系大只，一种系跑得快，我系第二种。」他解释刚拍完另一新剧及录影美女厨房，随后会加强操练。

　　落选港姐工藤佑采「黑面跳舞」一夜成名，仲同师姐黄心颖隔空爆骂战，储落唔少粉丝，人气仲劲过三甲！点知有人就睇中呢点，冒认佢身份开咗个微信帐户。工藤佑采今日凌晨就喺Instagram放咗几张截图，留言：「女皇发现到一个开咗好耐嘅WeChat AC嫁（嘅）朋友名单𥚃（里）有人假冒本人、盗取本人照片、盗取姓名！（其实佢都打错女皇个名）本人在此声明，本人没有任何一个AC叫工藤佑采！如果我嫁（嘅）朋友见到有这个AC加你们，或者其他怪AC请直接拨打本人手机以作确定！」睇番张截图，冒认佢嗰位人兄将佢个名写错做「工滕佑采」，唔知系特登少个草花头定打错字呢？而工藤佑采尝试联络对方，但就疑似畀对方封锁咗，拒收佢嘅讯息，所以佢最后直头检举个户口。

　　有网友留言话有人冒认系证明工藤佑采红咗：「从好嗰方面谂，你依家红佢先会用你张相同用你个名，当做崇拜女皇偶像嘅一种方式，正如啲人用郭富城张相做Profile一样！」工藤佑采就回应：「大佬！我怕佢去加我其他朋友，或者其他人同人借钱。」果然好清醒呀！

　　随着林志玲洗尽铅华，林嘉绮同隋棠又做咗人哋阿妈，台湾名模买少见少。不过同样来自台湾，今年24岁嘅吴宜桦一出，即惊为天人，唔系夸张，身高1米78嘅佢样靓身材正，条白滑美腿长到癫，正宗黄金比例10头身，呢啲身形，真系只可以喺漫画《足球小将》先见到，佢仲被冠以「亚洲第一」称号，有网民仲话只要有佢，林志玲可以安心退休。

　　然而，一年一度嘅Victorias Secret Fashion Show 今年底登场，人人都知只要被选上Angel行骚，一登龙门升价十倍，吴宜桦亦把握机会面试，尽管铩羽而归，但系佢都发文感谢每一个关注佢、替佢加油嘅朋友：「我会再接再厉明年再加油啦！」